اي كلام فاضي معقول
اهلا وسهلا باي كلام فاضي معقول


اشترك معنا وستجد ما يسرك
 
الرئيسيةأي كلام فاضيمكتبة الصوربحـثالتسجيلدخول
 
شات المنتدي الجديد
 
شاطر | 
 

 كيف اكون عشيقة لزوجى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
maro
my love
my love


عدد المساهمات: 49
تاريخ التسجيل: 07/04/2010

مُساهمةموضوع: كيف اكون عشيقة لزوجى   الأربعاء أبريل 14, 2010 11:46 pm

السلام عليكم ورحمة الله وبركاته

طبعا الاول بعد الشر علينا كلنا ان يكون فى حياة زوج كل منا اى امراة اخرى

بس سؤال
هو ليه الراجل بيحب على مراته ؟

طيب هى فيها ايه زيادة
ده ممكن يكون كل اللى تملكه جمال اصطناعى على شوية مياعة

طيب ايه الفرق بين الزوجة و العشيقة ؟
لانى الصراحة عايزة اكون عشيقة لزوجى

ربنا بعتلى الموضوع ده
هو من كتابات ناعمة الهاشمى
طبعا معظمنا عرفينها

وهو عن الفرق بين الزوجة و العشيقة
الفروق متلخصة فى 12 نقطة
وكمان ماذا تفعل الزوجة لتكون كالعشيقة فى كل شئ
لكن لزوجها

انا هتدرب معاكم فى الموضوع ده
وهنخليه عملى
بمعنى انى هكتب الفروق اللى بينا وبينهم اللى بيخلى الراجل بيحب العشيقة اكتر من الزوجة

وهنعمل ايه عشان نوصل اننا نكون عشيقات
لازواجنا


انا عايزة ابقى عشيقة جوزى
وده حقى واناعرفاه وعايزة اوصله




كل اللى هعمله انى هاوازن بين بيتى و مسؤلياتى وبين الاشياء اللى بتسببلى السعادة



الدورة ديه حياة هنعشيها افضل
بدل الحياة الملعبكة اللى احنا عايشينها


الدرس الاول

حياتنا احنا عايشينها غلط
وعشان كده تعبانين و مضايقين طول الوقت

لكم من انهاردة هنعشيها صح

هاعمل ما فى وسعى لاكون سعيدة
لانى باختصار اذا انا كنت سعيدة هعرف اعطى اللى حواليا كل شئ جميل

من غير تطويل
هنبدأ نغير
واول شئ هنغيره هو وقتنا
يعنى ايه

يعنى يا ستى لازم وقتى يكون متنظم صح علشان الاقى وقت لنفسى
يبقى انا مش هاكتب شوية نصايح وبعدين تقولوا مش هنقدر نعملها
لا احنا هنفضى نفسنا الاول

1- الاستيقاظ قبل صلاة الفجر
يعنى على اول اذان وناخد شاور كويس من غيرغسيل شعر
و النقطة ديه اختيارى مع انه الافضل

2 - صلاة الفجر و ديه مهمة جداااااااا علشان وقتنا يكون فيه بركة
و النقطة ديه اجبارى عشان ندى ربنا حقه

3 - شرب ماء دافى + ملعقة عسل نحل + ملعقة صغيرة زيت زيتون
وده لاتباع سنة الرسول صلى الله عليه و سلم

4 - اتباع نصايح خبيرة التجميل دلع
وهى


انهاردة نبتدى بالسؤال عن الواجب

صليتى الفجر انهاردة ؟
شربتى مشروب الماء والعسل وزيت الزيتون ؟
عملتى ماسكات البشرة ؟

وانا اول واحدة هجاوب
الحمد لله صليت الفجر بس مقدرتش اشرب المشروب
و نمت بعد الفجر وانا دلوقتى لسه صاحية وعندى الماسكات و هعمل بكل نصايح دلع باذ ن الله


درس اليوم ازاى تكونى مرتبة
وهنبتدى باللى بياخد مننا كل وقتنا
هو تنظيف البيت
انا كنت عاملة موضوع عن تنظيم الوقت فى تنظيف البيت
وهو ده

اول روتين انا اتوصلتله هو روتين نظافة المنزل

سواء هنضف الصبح او بعد الضهر مش مهم
المهم ان ترتيبى كالاتى
بعد فتح الشبابيك وتهوية المنزل


1- ادخل الحمام احط كلور على الحمام والحوض والبانيو واخرج


2- ادخل المطبخ من اكل لنظافة والغسيل فى الاتومتيك
ساعة ونصف ابقى خلصت طبعا لو عندى اكل بايت من انبارح بيبقى عندى وقت فاضى كتير
ممكن اجهز اكل يومين


3- اخرج للبيت
يوم كنس + مسح الموبيليا + ترتيب السراير
ويوم مسح الارض اللى مش عليها سجاد + تلميع الزجاج + ترتيب السراير
وده كله فى ساعة ال3 غرف والريسبشن


4 - اروح للحمام 10 دقايق يكون نضف بالجنرال وفرشاة البلاط


5- وده بعد الغذاء نصف ساعة للمطبخ غسل مواعين ومسح وترويق على الماشى
يخليلك اليوم التانى فيه بركة


وده الروتين اليومى لنظافة البيت وده كل يوم سبت واحد واثنين وثلاثاء


اما الاربعاء بيكون الروتين الاسبوعى لنظافة المنزل وهو زى الروتين اليومى بالضبط بس مع تظبيط الادراج وترتيب الدولاب ودولاب المطبخ فكل غرفة بتاخد ساعة والمطبخ 3 ساعات والحمام نصف ساعة يعنى اليوم كله ببيروح
وطبعا بيبقى الاكل نواشف يعنى مشويات
او تونة وشيبسى او اى اكل مش محتاج وقفة فى المطبخ
يعنى هقف ايه اكتر من كده


يوم الخميس لو فى اكل بطبخه بس يعنى ساعة فى المطبخ
وبقيت اليوم لنفسى بقى
بس ممكن اجهز اكل ليوم الجمعة يعنى لو سبيط اسلقه واعمل تسبيكة
لو كرشة او منبار اسلقهم وممكن احشى المنبار بعد ما اخلص


اما الجمعة هو يوم الراحة العالمى لا بيت ولا اكل




وانا قررت اخليه ابسط من كده عشان افضى لنفسى
اولا هجيب الاكل بالاسبوع
ثانيا هبدأ بالحمام ثابت
ثم تنظيف المطبخ بسرعة من غير الطبخ ثابت
ثم اختار
(يوم السبت كنس
يوم الاحد مسح موبيليا
يوم الاثنين مسح الارض اللى باينة
يوم الثلاثاء مسح القزاز )
وبعد ما اعمل اللى ورايا ادخل اطبخ على رواقة

والتنظيف الاسبوعى بتاعى اللى كان يوم الاربعاء
هخليه روتين شهرى باذن الله

كل ده هنعمله فى اد ايه يا فتوكات هنحدد وقتنا بالقران
ازاى
هنحمل برنامج حقيبة المسلم ده موجود فى المنتدى الاسلامى

اقتباس:
برنامج حقيبه المسلم

وده الرابط بتاع الموضوع
هنشغل من قران كريم هنختار محمود خليل الحصرى المصحف المعلم وابداى من اول الفاتحة ونبدا الشغل فى البيت
اولا القران هيريحك وكمان هيديكى نشاط
ثانيا هناخد حسنات
ثالثا كلنا هندخل نكتب احنا خلصنا عند سورة ايه
وبكده هتعرفى انك سريعة والا لا
و نشجع بعض

وطبعا قبل البدايه هنطبق نصايح دلع يعنى هتغسلى وشك بالصابونة و امسحى بماء الورد و نحط الزيت و الماسك كل ده واحنا شغالين فى البيت

و بكده مش هيبقى عندك حجة فى انك تعتنى بنفسك

واى سؤال او اقتراح ليا او لدلع ممكن تحطيه هنا
وانا اقولكم مع السلامة عشان اروح اطبق النصايح



الدرس الجديد

احنا كده الحمد لله نكونوا ظبطنا اليوم مع الاعتناء بالبشرة
اليوم هنعتنى بشعرنا كمان
طبعا النصايح اللى فاتت معانا على طول
و كلام الخبيرة دلع

اقتباس:
الشعر

ماسك الشعر سريع




صفار بيضه او اتنين على حسب طول الشعر

زيت زيتون

نقطتين خل

اغسلى شعرك وحطيه الماسك دقيقتين واغسلي سعرك وادعيلى

على النعومه والفرد واللمعان والله انا مش يستغنى عن الماسك دة

ماسك كل اسبوع


علبتين زبادى

زيت زيتون

عسل نحل

اخلطيهم وحطيهم لايقل عن ساعتين ولو كترتى يبقى احسن واحسن

وموش هقولك بيعمل ايه هسيبكم تيجوا تقولولى انتم



و هنبدأ باذن الله نجيب ورقة وقلم و نكتب فيها الحاجات اللى كنا بنعملها قبل الزواج و اتخلينا عنها
مع زحمة الحياة

وهو ده درس انهاردة
يارب تكونوا استفدتوا
الرجوع الى أعلى الصفحة اذهب الى الأسفل
 

كيف اكون عشيقة لزوجى

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اي كلام فاضي معقول  ::  :: -