معا نطلق حملة
انا واولادي اصحاب لا للضرب ونعم للحوار
الكلام ده معناه ايه وايه هو الهدف منه
احيانا كتير اخواتي الامهات بنضطر لضرب اولادنا
او على الاقل الصريخ فيهم طول اليوم
طب هل الطريقة دي جابت نتيجة معاكم
اشك في ده
اولادنا اجمل شيء في حياتنا منقدرش نستغنى عنهم
افتكري اخر مرة كان ابنك او بنتك تعبانين
هل كنتي بتنامي او حياتك كانت عادية
طبعاااااااا لا لانهم اغلى ماعندنا في الدنيا كلها
حملتنا حتبدا في التعرف على مشاكلنا مع اولادنا
ونبدا في مناقشتها وحلها معا
حنحدد يوم حنمنع فيه الضرب والزعيق ونشوف
حنحاول مع بعض ايجاد وسائل اخرى للعقاب
ومش بس للعقاب لا وكمان لما يعملو حاجات كويسة
اللي تحب تشترك معايا لتغيير نمط حياتها مع اولادها
تبقى حتكمل معايا
يعني لو تحبي فعلا كلنا نشترك مع بعض لتحسين علاقتنا مع ولادنا
حتشتركي معايا ايه المشاكل اللي عندك مع ولادك ايه اللي بتعمليه
نفسك علاقتك يكون شكلها ايه مع ولادك وهكذا
مش بس حنتكلم لا حنلاقي حلول باذن الله
صدقوني نبدا من دلوقتي احسن عشان نقدر نبني ثقة بينا وبينهم
علاقة مبنية على الحب والحوار والتفاهم مش على الضرب
واللامبلاة والتقليل من عقولهم
وانا حارجع تاني بشوية افكار للعقاب والمكافاة
مين تحب تشترك معايا وتكمل للاخر